利物浦兩鬥曼城　再次倒於白界上

利物浦喺社區盾逼和曼城1:1，但最後互射12碼不敵對手，其實紅軍今場應該唔止入1球，包括中堅華基爾雲迪積克頭槌攻門，中楣底再彈落白界上，被對手解圍。

呢一幕令人回想起上季英超，利物浦作客曼城關鍵一戰，當時沙迪奧文尼攻門中柱，史東斯解圍省中門將艾達臣摩拉斯反彈向龍門口，史東斯再解圍，門線技術顯示皮球距離得分只差1.12厘米，紅軍亦因為呢球唔入，結果全失3分，亦係佢哋上季英超唯一敗仗，最後冇埋聯賽冠軍。

好衰唔衰，呢幕「死亡白界」喺新一季英超前哨戰，又再次發生喺利物浦對曼城嘅比賽，對紅軍來講，實在係唔多老利。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。