5年前勁過阿古路 30歲就去英乙?

20190813
東網電視
更多新聞短片
(互聯網)
好陰功呀!曾效力曼城嘅科特迪瓦國腳前鋒韋菲特邦尼,近日走咗去英乙紐波特郡跟操,據聞佢仲未放棄征戰英超美夢,只係至今都未收到任何來自英超聘約。家陣先得30歲嘅佢,唔通今季會冇嘢撈,定係轉踢英乙波?
紐波特郡俱隊米基芬尼近日喺社交網上載一張同韋菲特邦尼合照,仲大讚呢位科特迪瓦射手:「邦尼同我哋一齊訓練真係正到爆,優秀嘅職業道德、專業精神、出色球技,我哋隊員喺佢身上獲益良多。」
29歲嘅邦尼,08年開始進軍歐洲球壇加盟捷克嘅布拉格斯巴達,之後又去過荷甲維迪斯。2013年佢過檔英超史雲斯,然後喺2014年更射入咗21球,成為年度入波最多英超前鋒,就連阿古路、尹佩斯同朗尼等都唔及佢。15年佢獲得曼城垂青,可惜加盟後一直爭唔到正選,17年佢選擇重返史雲斯,今年初佢更外借去卡塔爾搵食,最後到暑假加入失業大軍。
查實早前佢曾經收到一份來自意甲維羅納聘約,不過心繫英超嘅邦尼未有答應,或者佢真係應該考慮轉吓聯賽發展,否則繼續喺紐波特郡練波,都唔係辦法喎!
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。