【歐超盃】大愛利物浦 同殘障兒童玩的波

2019年08月14日 18:17
東網電視
更多新聞短片
(美聯社圖片)

正所謂好人一生平安,利物浦於歐超盃對車路士賽前,一班球星加埋領隊高普,就同幾位殘障兒童喺球場玩波,場面非常溫馨勁有愛。今次紅軍同UEFA慈善基金會合作,宣揚愛與平等,相信有份在場參與嘅幾位兒童,一世都唔會忘記呢一日。

利物浦6月奪得歐聯冠軍,有機會同歐霸盃王者車路士喺土耳其爭歐超盃,大軍以輕鬆態度備戰,賽前仲抽空做咗件勁布有意義嘅事。在場參與嘅兒童,有啲雙腳已經截肢,亦有只剩一隻腳,但佢哋依然好享受同球星玩波。紅軍首席球星穆罕默德沙拿,就同一位失去雙腿嘅兒童玩的波,大家都好開心;而羅拔圖法明奴、沙迪奧文尼、法賓奴泰華利斯、梳頓沙基利、阿祖安卡斯迪路等亦有參與,氣氛超好。