【有片】迪羅斯：不完美、可接受、要改善

前意大利國腳迪羅斯早前正式過檔阿根廷聯賽班霸小保加，今晨佢終於喺當地進行佢嘅小保加首演，就係喺阿根廷盃出戰艾馬格羅。迪羅斯呢場其實都幾叻仔，踢咗28分鐘就接應角球頂入，取得個人小保加生涯首個入波，只見隊友都紛紛上前圍住恭喜佢，看台上球迷仲用佢名去唱晒歌，氣氛勁好。

不過，佢哋最終喺82分鐘畀對手攻破大門扳平。場波法定時間打和1比1，互射12碼小保加4個人射只入一球，輸1比3慘被淘汰。總括嚟講，今次迪羅斯首演可以話係不完美、可接受、要改善，不過睇怕小保加球迷見住球隊出局，又點會收貨先！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。