【賽後解碼】利物浦捧盃 背後一個警號

20190815
東網電視
更多新聞短片
利物浦喺歐超盃互射12碼擊敗車路士,捧走今季第1個獎盃,不過當球迷沉浸喺呢一片喜悅當中,亦唔可以忽視背後一個危險嘅警號──防線不穩問題。
利物浦上季聯賽只失22球,係全英超失球最少球隊,雖然今季人腳幾乎冇變過,但季初畀球迷感覺係防守遠遠不如上季堅固,開鑼戰對諾域治雖然大勝4比1,但比賽入面「金絲雀」其實拎到唔少黃金機會,尤其下半場更加明顯;今場歐超盃亦都多次畀車路士搵到空位,祖高美斯面對基斯甸普列錫更踢得好狼狽。
事實上,「紅軍」之前踢7場熱身賽加埋社區盾,8場波入面只係得1場保持不失,嗰場波對手只係英甲嘅燦美爾,可見呢個問題係唔可以忽視。既然同一樣嘅人腳上季可以成為最佳防線,證明問題唔係人選之上,如果係狀態或者戰術上嘅調整,高普真係要盡快諗諗點樣拆掂佢。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。