玩FM打造黃金陣容　阿迷想基沙文做領隊！

巴塞隆拿前鋒基沙文向來係足球遊戲《Football Manager》嘅超級擁躉，幾年前已經不斷公開自己「執教成績」，而且佢特別偏愛用阿仙奴，日前佢又「公布」自己打造嘅2023年阿仙奴，成支「兵工廠」畀佢大換血，正選換成查頓辛祖、祖奧菲歷斯、法蘭基迪莊、馬菲斯迪歷特同安德魯羅拔臣等，現實中嘅阿仙奴球員一個都冇得剩！

根據基沙文今年4月份公開嘅阿仙奴，當時佢仍然將老友拿卡錫迪排正箭頭，但最近呢個陣容已經唔見咗，拿卡錫迪隨即喺twitter「質問」，勢估唔到基沙文竟然回應，表示喺2023年將佢以2,350萬英鎊賣咗去哈特斯菲爾德，認真搞笑！

不過，唔少阿仙奴球迷都話好滿意基沙文呢個「2023年陣容」，齊齊表示希望佢可以成為下一任阿仙奴領隊添！

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。