【東體爭議】奧斯爾踢得番 係阿仙奴噩夢

2019年08月15日 17:01
東網電視
更多新聞短片
(Getty Images)

阿仙奴中場奧斯爾大半個月前,被人持刀追斬,懷疑係匪徒想搶走佢隻名錶,幸好有隊友哥拉辛拿斯出手阻止,力退賊人。早前更傳出倫敦黑幫想對兩人不利,搞到阿仙奴要「收埋」佢哋,冇份踢上場英超對紐卡素。

好彩依家已事過境遷,奧斯爾同哥拉辛拿斯已經歸隊操練,並有望於周六(17日)晚英超,為阿仙奴上陣對般尼。

兩人現時出入都好小心,同樣聘請保鑣保護家人安全,奧斯爾唔敢自己開車,改為請司機代勞,送佢去阿仙奴訓練基地,而哥拉辛拿斯坐隊友梅斯達菲部車,起碼多一個人照應。

阿仙奴有番呢兩位球員助陣,理論上係好事,不過奧斯爾近年狀態下滑,表現備受批評,甚至不時傳出要賣走佢。阿仙奴上場缺少奧斯爾,踢得非常順暢,擊敗紐卡素,如果今場派佢上陣,小心出現反高潮。

立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。