【東體爭議】利物浦英雄門將係蠱惑仔

利物浦喺歐超盃憑互射12碼擊敗車路士，奪得冠軍，利記「2號門將」阿祖安卡斯迪路喺第5輪，擋出車仔前鋒譚美阿巴謙射門，「絕殺」對手，一戰成為英雄。

不過，睇番重播片段，發現阿祖安卡斯迪路呢下「英雄式撲救」其實出蠱惑，因為譚美阿巴謙起腳前，阿祖安卡斯迪路雙腳已經離開龍門白界，違反球例，應該被判無效，需要重射，但球證視若無睹。

根據上年修訂嘅球例，進攻一方球員主射12碼，腳部觸碰皮球之前，對手門將最少要有一隻腳踩喺龍門白界上，比舊例要求兩隻腳都要踩喺龍門白界上，已經寬鬆咗。不過，阿祖安卡斯迪路今次雙腳都離開龍門白界，就真係離譜咗。

今場亦係歐洲大賽首次由女球證執法，賽後甚至有輿論指今場女球證史堤芬妮法柏特未夠班主吹男足大賽。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。