創富Form三連擊 頭炮漢堡波膽有路捉

2019年08月15日 22:02
東網電視
更多新聞短片

收看直播,請按直播ICON,或按下面鏈結:
https://tv.on.cc/sportlive/ 

嚟到周末「創富Form」又載譽歸來,上星期兩晚賽事都喺走地時間搵到食,今個星期唔止兩晚,係三連擊。

歡迎大家喺直播期間,去到東網體育Facebook留言,可以提出今個周五、六、日任何賽事嘅問題,我都會盡力為大家解答。

星期五(16日)深夜首先上演漢堡大戰波琴,漢堡今季流失唔少星級球員,但整體發揮唔算差,波琴上星期應贏變和,又係過度保守問題,漢堡主場出擊會採取主動,讓一球上盤賽前值得入手,走地可等球半追入球大。(on.cc東網周六凌晨零時30分直播)

漢堡上季升班不成,季尾即要放走杜格拉斯山度士、高斯迪等減磅,並平價買入奧斯簡等球員,實力表面上不升反跌。

事實上,漢堡本來班底實力喺德乙屬大超班,爛船都有三根釘,上季經常領先下打得保守由贏變和甚至輸埋,教練必須付上全責,而今季甫換上夏京執教,頭兩場已見機動性及隊型比上季有過之而無不及,尤其左路傑圖側擊力強狀態好,今場必為漢堡進攻核心。

相對上波琴上星期我同樂比一齊同大家睇直播,期間波琴用波能力明顯在比勒費爾德之上,惜未開紀錄前中楣中柱極冇運,輸0:2後換入多名進攻球員發力即一度反先至3:2,最後被扳平又係防線失誤,過分保守打法限制球隊真正實力發揮,怕且今場都會主動讓漢堡進襲等反擊機會。

睇個勢似漢堡先開紀錄甚至領先兩球下波琴先棄守加壓,預期波膽介乎2:1至3:1之間機會非常大,臨場見1.5球入球大可放心出手。

同晚德甲西甲都開波,先有拜仁出場,繼有巴塞典後,拜仁熱身賽表現未算理想,夠贏哈化但上盤唔值搏,尼高高華著重側擊都係追角球大穩陣;巴塞作客冇大壓力,對家恩拿基威廉斯有離心,似乎呢口上盤算穩;里昂留得住多名進攻主力,上星期大勝摩納哥夠說服力,上盤係星期五核心。

立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。