連番打擊 林柏特變王傑

2019年08月16日 03:07
東網電視
更多新聞短片
(Getty Images/互聯網)

唔止足球睇波,仲有24小時滾動賠率,即時體驗:https://bit.ly/2UmNL0L 

車路士失落歐洲超級盃,領隊林柏特賽後一面悲情,原來今次係佢生涯第3次喺歐超盃輸波,再睇林伯近期遭遇,打比郡升班失敗、英超首仗吞曼聯4蛋,連番打擊之下,林柏特黯然表示:我係世界上最差嘅失敗者。

林柏特或者注定同歐超盃無緣,因為佢球員時代喺2012及2013年代表車路士出戰歐超盃,先後輸馬體會同拜仁慕尼黑,今次以領隊身份參賽,再輸畀利物浦。

成為領隊後,林柏特嘅戰績亦唔係好,上季帶領打比郡喺升班附加賽輸波,今季重返車路士執教,英超首仗就吞曼聯4蛋,歐超盃又輸畀利物浦,令佢好無奈咁話:「我係世上最差嘅失敗者,我好憎咁樣,其實場波我哋踢出實力,但足球有時係咁,需要運氣。」

「我唔想埋怨,但利物浦比我哋多兩日時間準備,賽程亦確實影響球隊。」今場歐超盃之前,利物浦於上周五踢畢聯賽,而車路士聯賽安排在周日,少咗兩日休息。

立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。