【有片】勁！武磊開波兩分半喺歐戰開齋

西甲愛斯賓奴今晨喺歐霸盃第3圈外圍賽次回合，主場以3比0大炒瑞士盧塞恩，兩回合計大勝6比0晉級，喺附加賽會硬撼烏克蘭球隊索爾亞。「賓佬」贏波，大家最關心梗係中國球星武磊演出！呢位中國射手今場作出佢今季正式比賽首次擔正，結果佢喺開波149秒就殺入禁區接應隊友馬迪亞斯華加斯傳中，搶點頂入為球隊先開紀錄。

呢球係「武球王」喺歐戰歷來首個入波，亦係中國球員相隔2,228日再次喺歐戰取得嘅入球。至於武磊嘅149秘入波，亦係愛斯賓奴喺歐戰史上最快「士哥」，今鋪堅係光宗耀祖，名留青史呀！