恨生女恨到發燒 朗尼嫂飛去做試管B

20190816
東網電視
更多新聞短片
期待朗尼家添個"小公主"啊!(互聯網)
朗尼重返英國的計劃已經成為傳媒焦點,早前他已經宣布與打比郡簽約,明年初以球員兼教練的身份加盟。這位英格蘭球星可以返家鄉發展,最開心一定係朗尼嫂麥露蓮,有消息仲話佢好想生個囡囡,專程飛到墨西哥搵人做試管嬰兒。
近幾年朗尼離鄉別井,做老婆當然要嫁雞隨雞,但搞到麥露蓮已經有思鄉病,睇嚟朗尼返英國,佢真係好開心,開心到要再生B,佢同朗尼已經生左四個仔,恨女恨到發燒,加上又見到碧咸嘅小七Cute到爆;英國《太陽報》就爆料,話麥露蓮早排飛到墨西哥請教試管嬰兒嘅事,希望可以生個囡囡,就完美了。
據悉,英國係禁止選擇BB性別嘅手術,聽聞整個手術費要8000英鎊。目前朗尼嫂嘅四個兒子,分別係10歲嘅Kai、6歲嘅Anthony、3歲嘅Joseph及1歲嘅Rooney仔,麥露蓮依家好努力為生囡囡,可能好快聽到佢嘅好消息了。
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。