近10年首次　美斯無緣西甲揭幕戰

西甲將於周六(17日)凌晨開鑼，揭幕戰由上季冠軍巴塞隆拿作客畢爾包，巴塞未開波已經先受到打擊，因為球王美斯小腿肌肉仲未好番，並冇入選大軍名單，肯定無緣今場比賽，亦係美斯近10年以來，第1次未能於首輪西甲上陣。

不過，美斯並冇偷懶，佢近日自己苦練，包括喺沙地上練習射門，而且腳腳七注，睇嚟傷勢並唔嚴重，希望可以趕及第2場聯賽復出，主場對貝迪斯。

除咗美斯，皇馬個新兵夏薩特都因為大腿傷患，踢唔到周六(17日)作客切爾達場波，仲可能要抖3至4星期添。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。