港超聯 愉園球員會變晒好揪得嘅大隻佬?

2019年08月16日 16:39
東網電視
更多新聞短片
畀心機!操到自己嘅!  (陳焌鏗攝)

新季將首度出戰港超聯的老牌球會愉園周五(16日)拉隊到銅鑼灣,與VO2健身及武術中心簽訂合作協議並進行訓練。

愉園體育會足球部總監潘文迪接受訪問時指,全因愉園體育會籃球部總監黃耀建「拉線」,才能促成是次合作。「迪Sir」透露愉園早前曾與另一家健身中心洽談,但思前想後,認為VO2為最佳選擇:「VO2除咗畀場地之餘,佢哋嘅教練都可以幫到我哋。我哋年輕球員多,雖然教練團會做基本嘅體能訓練,但係如果要將肌肉增強、力量加大、體能提升,我哋覺得需要再專業啲嘅人士去做,希望球員喺VO2嘅訓練下,可以大隻啲、體能同對抗性各方面都可以提升!」他又謂目前球衣心口贊助仍在商討中,而VO2健身及武術中心的商標則或會出現在手臂或背部。

另外,目前正隨愉園操練的夢想FC前鋒朱偉鈞亦有到VO2接受訓練,「迪Sir」表示球隊有意簽下朱偉鈞,惟現時仍需解決他與夢想FC的合約問題,「迪Sir」相信:「應該唔會太麻煩!」

早前香港足球總會公布了來季賽程,剛在友誼賽不敵香港U18的愉園首戰對手為去季「3冠王」傑志,「迪Sir」期望一眾年輕球員能向管理層證明自己多年來的努力,亦要做好心理準備面對觀眾。