香港隊 麥柏倫:今次選人經驗行先

20190816
東網電視
更多新聞短片
艾力士(紅衫)繼續肩負替港隊入波嘅重任。   (資料圖片)
香港代表隊將於9月出戰「2022卡塔爾世界盃暨2023中國亞洲盃」聯合外圍賽第二圈賽事,分別在2019年9月5日及10日迎戰柬埔寨及伊朗。足總周五(16日)公布公佈港隊23 人球員名單如下及訓練詳情。港隊主帥麥柏倫表示今次選人傾向經驗為先,但會繼續留意合適的球員,在之後的賽事作出調整。
對於今次選人,麥柏倫坦言有點難度,他說:「因為我哋無任何熱身賽嘅安排,我只係靠去睇各球隊嘅操練同熱身賽,再用自己嘅判斷去揀選球員。由於時間比較緊迫,所以今次選人會比之前對中華台北,側重較具經驗嘅球員。但我會喺球季開咗之後,留意各隊球員,有表現嘅、合適嘅,我都會喺之後搵佢哋幫手。」
香港隊將會喺首周港超聯完成後翌日,即9月2日(一)展開首課操練,3日(二)晨操後起程飛赴金邊,備戰5日(四)作客柬埔寨的首場賽事。
【香港隊決選名單】
守門員:葉鴻輝(東方龍獅)、王振鵬(傑志)、袁皓俊(理文);
後衞:翟廷峯、馮慶燁(東方龍獅)、法圖斯(貴州恆豐)、羅素(河北華夏幸福)、
丹尼、艾里奧、唐建文(傑志)、徐宏傑(梅州客家)、梁諾恆(富力R&F);
中場:李嘉耀、徐德帥(東方龍獅)、陳俊樂(廣州富力)、黃洋、鞠盈智(傑志)、
陳肇鈞(冠忠南區)、黃威;
前鋒:艾力士(大連一方)、辛祖、孫銘謙(和富大埔)、夏志明(冠忠南區)