幫拖定倒米？普巴大佬有料爆

曼聯球星保羅普巴想過檔皇家馬德里一直係個公開秘密，近日普巴大佬馬菲亞斯普巴受訪，就提到細佬轉會一事，佢話保羅普巴個心一早已經飛咗去「銀河艦隊」，仲強調根本皇馬主帥施丹都需要佢。

馬菲亞斯話：「我哋都知佢（保羅普巴）想去皇馬，但佢唔會抱怨，反而會耐心等，大家放長雙眼睇啦！只要皇馬肯滿足佢要求，保羅就唔會有異議，事實上，施丹都需要個世界級中場啦！」雖然擺明係幫細佬發聲，不過馬菲亞斯最後好倒米咁講：「皮里茲一定了解施丹意願，西甲轉會窗9月2日先關閉，一切都仲有可能。不過，我唔認為我細佬值2億歐元，只係依家足球市場太瘋狂啫，我保證唔到佢會留喺曼聯囉！」

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。