無話可說！巴塞隆拿輸畀驚天世界波！

屋漏偏逢連夜雨！「地上最強」巴塞隆拿周六(17號)西甲開鑼戰，本身已經有「球王」美斯因傷缺陣，點知連烏拉圭前鋒蘇亞雷斯亦喺上半場傷出，巴塞隆拿鋒線喺法國新兵基沙文領軍下表現差勁，完場前更被畢爾包老將阿度里斯轟入驚天倒掛金鈎，真係輸到無話可說！

巴塞隆拿今場空有控球，但係美斯養傷同埋蘇亞雷斯傷出下，全場只係得1次命中目標射門，基沙文表現碌碌無為。相反畢爾包嘅反擊相當到肉，完場前2分鐘，畢爾包換入38歲老牌前鋒阿度里斯，勢估唔到佢落場第1腳波，就係接應安達卡柏右路傳中，施展美妙倒掛將個波直轟入網。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。