車仔場波　主球證遲到由第4旁證執雞

唔止足球睇波，仲有24小時滾動賠率，即時體驗：https://bit.ly/2UmNL0L　

車路士對李斯特城場波發生一段小插曲，原來今場執法嘅球證蘭福特Oliver Langford，只係第4旁證，佢只係臨時替工，至於主球證史葛Graham Scott，因為塞車遲到而無緣執雞，只能擔任第4旁證，負責換人舉牌。

史葛近期都好忙，日前為曼城對熱刺一場大戰擔任VAR球證，周日又要為車路士對李斯特城執雞，因為交通問題，佢並無入住主隊附近酒店，未能於賽前10分鐘抵達史丹福橋球場，無法進行全套賽前熱身，因此被貶為第4旁證。

蘭福特以往從未執法英超，以往只執法英冠及青年級別賽事，今場波佢突然升格，係佢球證生涯首場英超執法賽事，好在今場未有出現重大爭議判決，表現算係合格。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。