新C朗原來係嗱喳男　隨地小便斷正

身價高達1.27億歐元嘅葡萄牙新星祖奧菲歷斯，今季加盟馬體會之後，首場西甲即顯新世代球王本色，表現光芒四射，「新C朗」之名當之無愧。呢位19歲新人王依家一舉一動都備受注視，包括大小便。

祖奧菲歷斯日前操練時，人有三急，竟然喺馬體會訓練場一個角落，就地解決，行埋一邊小便。好衰唔衰，當時有電視台影緊操練，仲影埋祖奧菲歷斯「邪惡」一幕，電視台主持都忍唔住大笑。

祖奧菲歷斯擁有一副娃娃臉，成個鄰家男孩乖乖仔，估唔到原來咁「嗱喳」，形象肯定大受破壞，所以奉勸佢下次都係唔好貪方便，記得行多幾步去廁所先至除褲。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。