史上最寸金球　卡路士韋拿狂扭玩死對手！

前阿仙奴、奧沙辛拿、皇家蘇斯達射手卡路士韋拿，剛於美職射入寸爆金球，扭技堅係出神入化！呢名FC洛杉磯前鋒，先於中場附近同隊友靚配合，之後直線引球扭過3人，面對空門仲要呃多個後衞先射波入網，堅係寸到冇人有！

FC洛杉磯今季美職勁到爆，當伊巴謙莫域嘅洛杉磯銀河，以及朗尼嘅華盛頓聯隊分別攞緊41同39分嘅時候，FC洛杉磯剛以4:0大炒聖荷西地震後已攞到61分，隊長卡路士韋拿已射入26球，堅係超晒班。

今場卡路士韋拿又梅開二度，其中1球絕對係金球，佢先於中場附近跨過個波、再接應隊友即時回傳引球推進，喺禁區頂擺脫敵衞剷球後，接連扭過後衞同門將，對住空門見到側邊有敵衞飛剷救空門，佢仲冷靜撥橫個波拖一拖、攤到凍晒先射入，呢啲咪仲係卡士囉！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。