再唔贏冇命　IQ爆棚救唔救到林伯？

好多人都話踢波係要用腦，最近睇到單嘢幾有趣，原來車路士領隊林柏特，曾經接受過智力測試，IQ超過150！ 要知道愛因斯坦嘅智商係160，即係話林伯屬世界上0.5%嘅高智商族群，佢係球員年代都真係發揮到高智慧喎，但做咗車仔主帥就出咗事，開季到依家仲未試過贏波，今晚作客對住諾域治應該係一個良機。車仔最近15次對金絲雀都未輸過，如果呢場攞唔到3分，真係IQ勁過愛因斯坦都無用喇。

講吓榜首嘅利物浦，佢哋啱啱同阿歷士張伯倫續約4年，有球會力撐佢一定更搏命，好多球迷今晚會等住睇紅軍對阿仙奴，話晒都係榜首大戰，出身於利物浦但又被鬧係叛徒嘅奧雲，就力撐紅軍，仲話兵工廠後防有問題，奧雲咁講係咪想利迷唔嬲你咋？

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。