拿華斯走硬　皇馬有3位替代人選

自從泰拔高圖爾斯上季加盟皇馬之後，原本1號門將基羅拿華斯慘淪為後備，呢位哥斯達黎加國腳把關能力不在「泰仔」之下，但卻輸名氣而坐冷板，佢已決心9月2日轉會市場關閉前離隊。

據悉，32歲嘅基羅拿華斯可能轉投巴黎聖日耳門(PSG)或者AC米蘭，有傳如果PSG簽入A米門將基安盧基當拿隆馬，佢就會加盟AC米蘭，若然PSG收購當拿隆馬失敗，基羅拿華斯就會加盟PSG。因此，無論如何，基羅拿華斯都會離開皇馬。

皇馬亦做定準備，物色新後備門將，人選包括摩納哥嘅蘇巴錫、羅馬嘅米蘭迪、愛華頓嘅史基倫堡。周日(25日)凌晨西甲，皇馬主場對華拉度列，唔知基羅拿華斯有冇機會上陣，同球迷告別呢？

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。