抄美斯炒晒車 李察利臣畀網民瘋狂恥笑

20190829
東網電視
更多新聞短片
(互聯網)
愛華頓巴西鋒將李察利臣,炒美斯出晒事,於網上畀人笑到阿媽都唔認得!愛華頓剛於英聯盃對住英甲林肯城,兩度被追平非常惡踢,到完場前李察利臣建功奠定4:2勝局,呢名森巴射手除咗件衫拎住向球迷展示慶祝,但就將個冧把對住自己,搞到件事冇晒意義,仲要被瘋狂恥笑。
早年美斯於西班牙國家打吡入波,協助巴塞隆拿砌低皇馬,之後佢激動到除衫,向球迷Show佢個10號號碼,呢個場面堅經典。李察利臣明顯係向美斯致敬,但佢就抄都抄唔到十足,竟然畀件波衫正面畀球迷睇,人哋又點知你叫李察利臣喎!同埋有球迷又話,你喺英聯盃第2圈鬥對英甲仔入波,其實都係份內事啫,重要性同人哋國家打吡入皇馬波,簡直係兩回事,叫李察利臣下次對利物浦入波先做呢個動作。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。