VVD行開?哥帥:佢係歐洲第一中堅

2019年08月31日 02:25
東網電視
更多新聞短片
(法新社)
利物浦中堅華基爾雲迪積克,剛壓倒美斯同C朗兩大球王,榮膺歐洲最佳球員,之後金球獎佢亦係大熱攞獎人選,話佢係當今球壇第一中堅,應該好多人都唔會反對。眼見死敵球員獲萬千寵愛,曼城領隊哥迪奧拿或者旗下球員都畀人注意一下,佢公開指拿樸迪,係現時歐洲第一左中堅。
雖然拿樸迪已經25歲,近年亦為曼城不斷建功立業,但原來連一頂法國喼帽都冇。之前俄羅斯世界盃外圍賽,迪甘斯曾經召佢入伍,但都係得個坐字。終於到啱啱出爐嘅國家隊大軍名單,拿樸迪先榜上有名,相信呢次可以達成夢想。哥迪奧拿話好開心拿樸迪終於入選:「全隊上上下下都好戥佢高興,呢個機會係佢應得嘅。」
「之前我曾經講過,拿樸迪係全歐最佳中堅之一,但其實我講錯咗,佢係全歐洲最佳左中堅,沒有之一。我同其他球員,都好希望佢可以長留球隊,咁就要睇佢本人意願喇。」
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。