【有片】賓特拿踢班霸　最廢射術嚇死人

丹麥前鋒賓特拿都可算係球壇奇葩，雖然踢過阿仙奴、祖雲達斯等頂級球會，亦曾經81次為丹麥國家隊披甲，呢個履歷對一般球員嚟講已經好大成就，但唔少球迷眼中賓特拿就係「世界最廢前鋒」，呢位31歲射手日前轉戰丹麥，估唔到第1課操練已經出晒醜！

賓特拿喺轉會窗完前前，由挪超洛辛堡轉投丹麥班霸哥本哈根，日前為哥本哈根進行首課練習，有位「有心人」就特別為佢嘅射門練習拍片，結果喺接近1分鐘嘅剪輯入面，賓特拿喺禁區內N次單刀起腳，絕大部份都係撻Q、飛機等連龍門都中唔到嘅射門，就算中都係軟弱無力，連最擅長嘅頭槌都頂到離晒譜，「中堅射門」絕技歎為觀止！

不過，Lord賓始終係人氣高企球星，哥本哈根宣布賓特拿加盟後，佢件32號波衫第1日已經賣到斷市，打破球會單日波衫銷售紀錄，你話賓特拿係咪奇葩先？

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。