【東體爭議】拒學曼聯!拉舒福特唔啱踢前鋒

2019年09月09日 13:01
東網電視
更多新聞短片
英格蘭國家隊連場大勝,哈利卡尼同史達寧就威到盡,相對下「三叉戟」之一嘅拉舒福特就光芒稍遜,英格蘭領隊修夫基更表示,雖然「福仔」一直想擔任正前鋒,不過佢就表示呢位曼聯球星目前唔太適合做9號,同曼聯領隊蘇斯克查唱反調。
曼聯今季賣走盧卡古之後,拉舒福特多次出任正箭頭,「蘇B」同唔少球迷都認為9號係拉舒福特最佳位置,不過修夫基就有唔同睇法:「大家一直話拉舒福特應該踢9號,但我唔肯定呢個係佢表現最好嘅位置。拉舒福特喺曼聯嘅發展,好多時候都係踢翼鋒,佢做中鋒嘅力量亦冇哈利卡尼咁強,如果用拉舒福特做9號,球隊就需要另一種踢法,但拉舒福特踢得最好嘅時間係由左翼內切。」
拉舒福特係速度型前鋒,不過身體對抗性同制空力都遠不如哈利卡尼,論踢法全面亦唔及史達寧,「福仔」喺國家隊嘅定位的確係有啲尷尬,尤其「助攻王」查頓辛祖來勢洶洶,如果拉舒福特要保住「三叉戟」之一嘅位置,不如專心踢好翼鋒更好。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。