【有片】仲係咁高水 曼聯迷求尹佩斯回歸

20190912
東網電視
更多新聞短片
曼城周四(12號)為今夏離隊嘅高柏尼舉行紀念賽,由曼城明星隊迎戰擁有多位曼聯名宿坐鎮嘅英超明星隊,呢場波曼城開波2分鐘就有保加利亞翼鋒馬田柏杜夫先開紀錄,英超明星隊之後有尹佩斯精彩背身助攻畀羅比堅尼追平,換邊後呢位荷蘭前鋒再喺禁區頂射入靚波反超前,不過曼城前鋒馬華路禾尼喺完場前1分鐘力壓加歷查頂入,最終兩隊踢成2比2和氣收場。
延伸閱讀:【有片】英超動人回憶 巨星「本性難移」
英超明星隊今場有傑斯、史高斯、加利尼維利、尹佩斯、卡域克、雲達沙同畢特等前曼聯球員壓陣,而最受注目嘅就係尹佩斯,呢位荷蘭前鋒今場擔任中鋒光芒四射,助攻同入波都係歎為觀止。今夏宣布退休嘅尹佩斯依家只係36歲,上季仍然為飛燕諾上陣31場入18球,今場賽後大批曼聯球迷表態,話尹佩斯依家踢中鋒嘅表現仍然好過拉舒福特,呼籲曼聯簽番尹佩斯番嚟幫手!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。