多蒙特證曼聯開價 「辛祖會議」絕密曝光

20190912
東網電視
更多新聞短片
曼聯希望收購英格蘭新星查頓辛祖嘅傳聞一直甚囂塵上,隨住呢位19歲翼鋒今季喺多蒙特同國家隊繼續爆發,佢嘅人氣亦進一步爆升。
勢估唔到喺呢個風頭火勢時候,由Amazon攝製嘅多蒙特紀錄片,竟然曝光多蒙特舉行嘅一次「辛祖會議」,片中多蒙特體育總監索斯親口證實曼聯提出斟介。
呢套紀錄片係由今年3月攝製,最新一集喺今個月初播出,片中「辛祖會議」除咗有索斯之外,仲有森馬、基爾同主席華斯基等多蒙特高層,索斯表示:「關於查頓辛祖同曼聯,係依家最熱話題。我可以證實曼聯嘅會面有發生過,但無論曼聯出幾多錢,多蒙特都唔會放人,同時查頓辛祖亦都表明,呢個暑假冇打算行呢一步(加盟曼聯)。」
不過,英國傳媒指曼聯仍然未死心,想喺明年1月份轉會窗再次提出收購,傳聞開價高達1億英鎊!
延伸閱讀:【查頓辛祖身價如坐火箭 貼近1億】https://bit.ly/2lJa9px 多蒙特方面就積極遊說呢位英格蘭新星續約,包括將佢嘅人工加倍至年薪1,000萬英鎊。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。