利物浦衞冕歐聯好消息 拿玻里大將打柴

2019年09月12日 17:00
東網電視
更多新聞短片
(互聯網)
4:0逆轉巴塞,2:0殺敗熱刺,利物浦上屆勇奪第6次歐聯冠軍,嚟緊18號就展開衞冕之旅。利物浦於分組賽撞正拿玻里、薩爾斯堡同亨克,拿玻里明顯係最強對手,紅軍首戰就要作客呢支意甲勁旅。紅軍賽前收到好消息,拿玻里隊長、陣中最強射手恩斯治尼有傷在身上陣成疑,另一大將波蘭前鋒米利克,亦剛啱受傷極有機會缺陣。
紅軍上屆於分組賽作客3連敗,其中1場就係不敵拿玻里,當時利物浦全場受壓,喺完場前終於守唔住輸0:1,入波嘅正正係恩斯治尼。呢名意大利正選國腳係拿玻里精神領袖同前線靈魂,冇咗佢攻力爭得遠。另外米利克早前傷咗1個月,剛好番之後又傷過,嚟緊聯賽對森多利亞肯定缺陣,對利物浦亦極有機會避戰。
上屆分組賽最後1輪,利物浦於晏菲路一要擊敗拿玻里先可以出線,當時穆罕默德沙拿入波領先,到完場前米利克把握機會攻門,若非門將艾利臣比加神救,紅軍早早已經出局。恩斯治尼同米利克上季合共攻入27個意甲入球,若雙雙缺陣,紅軍肯定掩住口笑。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。