艾利臣究竟傷成點 利物浦鋼門幾時復出?

2019年09月12日 20:00
東網電視
更多新聞短片
(Getty Images)
利物浦門將艾利臣,上季勁到擸晒英超、歐聯及美洲國家盃金手套獎,被廣泛封為當今球壇首席門神,但成個夏天冇抖過就出事喇,艾利臣於英超揭幕戰拉傷,到依家都未出得番。據《每日鏡報》報道,艾利臣康復進度良好,已經落返草地復操,對利迷嚟講堅係喜訊!
艾利臣受傷之後,有傳佢要抖幾個月,之後就話6周就好得番,究竟依家係咩情況呢?艾利臣早前接受球會度身訂造嘅復康計劃,康復情況良好,佢嘅傷處已經冇覺得痛,故可以落草地接受正常訓練。不過球會方面表示,唔會迫艾利臣盡早復出,會畀足時間佢慢慢好番。如果艾利臣情況持續良好,再加埋操起狀態嘅時間,相信到下月中可以再為利物浦上陣。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。