好學唔學 基沙文想埋堆竟然去打機

2019年09月12日 23:10
東網電視
更多新聞短片
(Getty Images/互聯網)
西甲班霸巴塞隆拿新兵基沙文,加盟以來好似一直未同球隊班大佬有密切聯繫,而為咗埋堆,據聞呢位法國球星搵咗佢同胞奧士文尼迪比利攞料,後者建議佢應該學打機,到時同班隊「打」成一片,自然會變晒老友,球場內外都可以合作無間咁話喎!
話說基沙文今年夏天跟隨巴塞去過日本踢兩場熱身賽,而喺日本期間,呢位前馬體會射手聽咗迪比利教路,買咗部遊戲機,然後再加入埋巴塞隊內嘅「孖寶賽車8戰鬥小組」,要知道呢個小組除咗基沙文同迪比利外,仲有沙治羅拔圖、卡利斯艾蘭拿同碧基等,基沙文希望大家打打吓機,應該會有更多溝通。
不過,基沙文個算盤係咪打得響真係難講,除咗話好似美斯同蘇亞雷斯等巨星都唔喺個小組,仲有係佢好問唔問,走去問個出名冇紀律、兼且自己都未喺巴塞企得穩嘅迪比利。唔係講笑,迪比利上季就曾經因為打通宵機搞到瞓過龍,缺席咗球隊操練,依家基沙文仲話襯埋一齊玩,如果到時又出事,巴塞肯定要鬧爆迪比利呀!
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。