冬窗戰事開啟　巴塞利物浦鬥搶歐青冠軍

唔止足球睇波，仲有24小時滾動賠率，即時體驗：https://bit.ly/2UmNL0L　

夏季轉會窗剛關閉，有好多傾唔成嘅交易，就要留待明年1月冬季轉會窗重開時下回分解，就好似拿玻里嘅歐青冠軍西班牙中場法比安彭拿，仍然係利物浦及巴塞隆拿嘅共同獵物，報道指巴塞準備出雙倍價錢，由3000萬歐元加到6000萬歐元，一於同利物浦鬥搶。

巴塞今夏買入基沙文同法蘭基迪莊，然後全副精神放喺回購尼馬身上，忽略咗簽其他球員，結果尼馬簽唔成，轉會窗亦關閉，唯有等出年1月再搵心儀球員，報道指，巴塞睇中23歲嘅法比安彭拿，佢去年由貝迪斯轉會拿玻里嘅身價只係3000萬歐元，巴塞準備用6000萬歐元斟介，足足多咗1倍。

利物浦今夏喺轉會市場冇動靜，其實佢哋睇中咗法比安彭拿，不過一路冇出手，依家巴塞搶人，睇吓紅軍點回應。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。