莫迪歷離奇受傷　缺陣對PSG

皇馬由季前熱身賽開始，不斷出現傷兵，依家又有一位大將受傷，就係中場莫迪歷，球會官方宣布，呢位34歲克羅地亞國腳因為右腿內收肌受傷，預料缺陣4場比賽，包括周六(14日)晚西甲主場對利雲特，以及下周中歐聯分組賽作客巴黎聖日耳門。

莫迪歷於剛過去2場歐國盃外圍賽，克羅地亞作客斯洛伐克、阿塞拜疆，都踢足全場，估唔到原來佢喺比賽中受傷。

皇馬中前場傷兵滿營，包括夏薩特、馬高阿辛斯奧、艾斯高、占士洛迪古斯、盧卡祖域。意味要靠賓施馬、加里夫巴利支撐大局。巴利今夏幾乎被賣走，但最終留隊，而且大踢爭氣波，今季西甲已經有2球進帳。莫迪歷受傷缺陣之下，皇馬策動攻勢嘅重要工作就落喺巴利身上。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。