艾拉教曼聯U18　等搶蘇斯克查飯碗

曼聯傳奇左閘艾拉7月宣布退休之後，曾經表示想做教練，近日重返曼聯做「實習生」，成為U18教練團成員，擔任助教，學習做教練，以便將來考取教練牌照。

艾拉早前已經喺社交網上載一張身穿曼聯訓練波衫嘅自拍相，話：「無法形容現時感受，只係着呢件訓練波衫，已經令我成為世界上最快樂嘅人。」桑馬達更加留言話：「好高興再次見到你，艾拉教練。」可見艾拉已經加入曼聯教練團，不過係教U18青年軍。

事實上，以往唔少曼聯名宿掛靴之後，都從事教練工作，包括現任主帥蘇斯克查，佢做教練初期，都係先教曼聯預備組，睇來艾拉有意從低做起，將來同蘇斯克查爭飯碗。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。