如果畀哥迪奧拿教 朗尼話英格蘭咁咁咁

2019年09月13日 18:15
東網電視
更多新聞短片
(Getty Images)
如果......命運能選擇,可惜呢個世界邊有如果吖!前曼聯球星朗尼近日接受訪問,期間講番到自己英格蘭國腳生涯,佢話當年佢踢嗰期陣容星光熠熠全部世界級,如果搵到個頂級教頭好似哥迪奧拿,佢同英格蘭一早會贏晒所有錦標喎!你哋點睇先?
朗尼年少成名,2004年已經喺歐國盃初登國際大舞台,可惜係佢歷來出戰嘅6項國際大賽,最叻都只係打入8強,連4強都唔得,更加唔好講爭冠。呢位前英格蘭隊長話:「大家睇睇十年前嘅英格蘭,可以話係擁有全球最好球員,里奧費迪南、泰利、艾殊利高爾、謝拉特、史高斯、林柏特、碧咸、奧雲同我,呢個陣容,如果可以有好似哥迪奧拿咁嘅教練,我哋就可以贏得所有冠軍,簡直毫無疑問。」
聽落好似好陰功,但實際上,「三獅兵團」當年都有包括艾歷臣同卡比路等世界級教頭,其實賴話冇哥帥任教,好似對其他領隊唔多公平囉。
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。