傑志齊心再踢好波 迎佳聯元朗陪你追月

2019年09月13日 22:44
東網電視
更多新聞短片
傑志按次收費觀看直播: http://tv.on.cc/kitchee/ 
「中銀人壽香港超級聯賽」今午重燃戰火,尾場傑志假旺角大球場迎戰佳聯元朗。「藍鳥」聯賽揭幕戰大勝顯霸氣,但費蘭度及唐建文兩位副隊長都寄語隊友提高警覺,不能輕敵。佳聯元朗主帥陳文俊就揚言不會刻意死守,期望球隊保持風格對戰!中秋翌日,一於邊睇好波邊追月。(on.cc東網周六下午5時30分直播)
開鑼戰大勝愉園5比0的傑志,5個入球分別由隊中5位外援攻入,主教練施利斯高域(Blaz)滿意球隊表現,亦大讚球員領先3球後沒有鬆懈︰「我哋聯賽有個好開始,但比賽一場還一場,而且我哋有幾位球員之前代表港隊出戰世界盃外圍賽,因此要睇賽前一刻嘅狀態,先決定邊個上陣,當然,我唔傾向作出太多調整,即使有調動都係針對對手同戰術作出決定。」
雙副隊長唔輕敵
上場有波入的費蘭度認同要收拾心情應付今仗︰「聯賽的確有個好開始,但每場波都係重新嚟過,尤其元朗嘅踢法勤於跑動,球員質素、對抗性強,所以要出盡力去爭呢3分!」另一位副隊長唐建文亦對佳聯元朗有不俗評價︰「睇過元朗嘅比賽片段,覺得佢哋今季雖然有唔少人腳變動,但好團結,喺防守反擊同進攻點方面都做得好好,會畀到對手唔少壓力,所以我哋喺防守部署方面都要下啲苦功。」
佳聯元朗首輪聯賽主場領先1球下,完場前連失兩球不敵東方龍獅,主教練陳文俊認為球隊表現不過不失,今仗面對另一支勁旅,陣式未必會有太大改變:「傑志首仗大勝愉園,幾位新球員中以基爾頓最搶鏡,唔止起到中場串連嘅作用,後上參與進攻方面亦好有效率,所以會作出一啲針對性部署。不過既然我哋慢慢建立到隊形,有自己嘅足球風格,我諗未必咁輕易變,人選或者有啲調動,但陣式應該唔會點變。」
元朗剛從東方龍獅借用鄭璟昊,「陳Sir」不排除將他推前參與進攻︰「我一直覺得佢進攻比防守好,所以就算派佢落場,都會踢進攻嘅位置,但呢場會唔會用佢,就要臨場先作決定。」