曼聯之旅注定失敗 寸王:A山冇開心過

2019年09月14日 01:09
東網電視
更多新聞短片
(Getty Images)
前曼聯主帥摩連奴,依家無職一身輕,講番以前教紅魔經歷大把料爆。佢話阿歷斯山齊士入魔之後,根本冇一日開心過,周時口黑面黑心事重重,咁樣又點可以踢出身價波?
A山於2018年1月由阿仙奴來投,雖然人工高達50萬鎊,但於曼聯根本就唔開心,不單同隊友格格不入,而佢亦周時收埋自己,於隊中傾得比較埋嘅只有盧卡古。摩連奴接受《每日電訊報》訪問表示:「山齊士....我覺得佢唔係個開心嘅人。如果一個人成日唔開心,份工又點會做得好?或者我都有責任,我唔可以幫到佢,激發到佢全部潛能。」
「領隊嘅其中一個責任,就係要發揮球員所長,但唔係成日都做得到。但個事實係,A山活脫脫就係個哀傷嘅人。我好希望佢去到國米可以笑得出,每個曾於我麾下嘅球員,我都想佢好。」
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。