魔術腳博到12碼 久保建英做唔成英雄

2019年09月14日 06:17
東網電視
更多新聞短片
(互聯網)
即睇久保建英精彩表現:https://bit.ly/2m8Pzii 
今季由皇馬借到馬略卡嘅久保建英,為日本踢完國際賽後回歸西甲賽場,今輪主場鬥畢爾包時後備上陣,即刻爭取到表現,可惜未能做贏波英雄。呢名18歲「真人版戴志偉」,落場後表現活躍,個波一去到佢對腳就有威脅,於完場前更憑魔術腳法呃到對手喺禁區入面勾跌佢,球證直指12碼點,可惜隊友宴客,最終僅能摸和對手0:0。
久保建英被封日本美斯,腳法當然有保證,一入場就不斷於右路鑽營,隊友搞佢唔掂,不時同超技術對付佢。畢爾包守衞終於玩出禍,畀久保建英博到12碼。當時久保建英殺入禁區,面對敵衞左腳一跨,之後右腳壓落底線,畢爾包守將慢一步出腳,久保建英應聲倒地,球證畀12碼,可惜阿比當柏拉斯主射連龍都唔中。之後畢爾包亦得到12碼,阿度里斯同樣射唔入。於補時階段主隊擺個波入網,可惜越位在先慘食詐胡,最終互交白卷完場。
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。