曼聯7壯士受傷 蘇B:有2個或能復出

20190914
東網電視
更多新聞短片
曼聯本季錄得自92年以來最差開季成績,4戰1勝2和1負絕對唔合格,經過國際賽周後,今輪聯賽將主場鬥李斯特城。但紅魔鬼要重返正軌唔係易事,一來李斯特城本季依然保持不敗,另外曼聯傷兵極多,保羅普巴同安東尼馬迪爾2大主力肯定缺陣,但領隊蘇斯克查就表示,高價新將雲比沙卡同連格,或有機會趕及復出。
現時曼聯傷兵名單好似水蛇春咁長,普巴、馬迪爾、勞基梳爾、達洛治、艾歷拜利、雲比沙卡同連格都大有機會缺陣,蘇斯克查咁講:「傷兵真係好多,我依家都未知有冇球員可以趕及上陣。雲比沙卡同連格可能可以,不過我都唔敢保證。普巴就一定唔得,除非佢一夜間發生奇迹。我希望佢同馬迪爾,可以喺下輪對韋斯咸時出場。」
立即參加「賞您睇」:https://tinyurl.com/yxa3a8z8 
Click下面粒掣,儲on.cc coins!機票、家電、超市禮券、過萬份獎品等緊你。