【有片】女伴胸壓跳艷舞　阻恩莫比利打機

老婆最驚老公做咩呢？除咗包二奶之外，相信冇一個鍾意佢打機，當男人一開始就停唔到，成個世界都唔會再有老婆份！意大利國腳恩莫比利，娶咗超索Model Jessica Melena，呢名擁有36E超正身材嘅大美人，早前就施展渾身解數着晒小背心、喺老公隔離大跳艷舞，期間又胸壓又坐大脾又錫錫，但都阻唔到個衰公繼續打機，難怪網民話呢位拉素前鋒唔係男人嚟，簡直係大嘥鬼！

雖然Jessica已經生咗3個小朋友，不過身材依然超正，應大剛大應細則細，簡單着件黑色背心已經引死人，佢仲要撥晒頭髮扭身扭勢，呢個誘惑堅唔細呀！不過恩莫比利眼中只有部遊戲機，老婆要錫錫個樣都係敷衍了事，好彩老婆都冇話冇癮，依然將段自拍短片益街坊。唔少網友都話恩莫比利嘥料，但有口恨友就突破盲腸，話如果呢個唔係老婆，相信恩莫比利肯定即時唔會打機。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。