阿仙奴預購中堅提前歸隊　後防有救？

阿仙奴今個夏天買入多位球星，尼高拉斯比比、丹尼施巴路斯同大衞雷斯當然係焦點所在，但其實「兵工廠」同時將預算中入面一大舊錢(2,700萬鎊)，用嚟收購聖伊天18歲中堅威廉沙列巴，而且仲要答應將佢續借畀聖伊天多1季，對於錢唔多嘅阿仙奴嚟講，無疑係一項非常重要嘅投資。

阿仙奴日前操練，威廉沙列巴突然出現喺訓練場中，而且仲着住離隊伊禾比嘅17號波衫，加上阿仙奴嘅歐洲賽註冊球員名單都有佢份，唔少球迷都期望呢位小將會提前歸隊助陣。不過，阿仙奴證實威廉沙列巴只係隨隊進行恢復練習，佢季初做咗一次小型鼠蹊部手術，所以趁空檔嚟阿仙奴熟習一下，傷愈後就會返聖伊天繼續比賽。

18歲嘅威廉沙列巴有1米92身高，但佢最大賣點係腳下功夫同傳送能力，屬於現時球壇最搶手嘅「用波型」中堅，法國傳媒更將佢捧為「新華拉尼」，不過球迷要下季先有機會睇佢代表阿仙奴上陣。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。