【東體爭議】曼聯今季目標要保住第6位？

曼聯貴為英超台柱級勁旅，上季排第6位已經令球迷非常失望，隨住李斯特城、愛華頓等球會不斷增強實力，唔少球迷更相信「Big 6」壟斷局面有可能被打破！曼聯周六(14號)主場迎戰李斯特城前，曼徹斯特市中心一塊交通資訊電子板，竟然公開寸爆曼聯今季只係爭第6位！

呢塊交通電子板上面寫住：「第6位爭逐！曼聯對李斯特城」。球迷將呢一幕影低放上網後，立即引嚟網民熱烈討論，有球迷認為當日曼徹斯特交通消息報道嘅揸弗人係曼城球迷，但亦有唔少網民覺得曼聯實力今非昔比，今季保住前6位踢歐洲賽資格，屬於「合理期望」。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。