【有片】利迷都估唔到!紅軍罰球手要轉人

2019年09月14日 12:01
東網電視
更多新聞短片
歐聯盟主利物浦陣中人才濟濟,死球專家都有幾個,通常右閘阿歷山大阿洛特係頭號人選,不過羅拔圖法明奴、梳頓沙基利都有出眾嘅「罰球功力」,但係相信連利物浦球迷都估唔到,原來「紅軍」真正嘅罰球專家,竟然係中堅祖高美斯!
著名花式足球組合F2 guys連同足球遊戲《FIFA20》,日前喺利物浦訓練場舉行一次「紅軍罰球王大賽」,請到阿歷山大阿洛特、羅拔圖法明奴、梳頓沙基利同祖高美斯參賽,前3人都係罰球高手,反而祖高美斯真係冇乜人睇過佢射。
冇錯,結果就係咁出人意表,參賽者被指定要射龍門5個位置,祖高美斯竟然全部命中!亞軍嘅「瑞士美斯」都只係中得2球,阿歷山大阿洛特同羅拔圖法明奴就各入1球,將來利物浦比賽入面博到罰球,祖高美斯會唔會負責處理呢?
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。