【東體爭議】加歷查認錯 史達寧勁過尼馬

曼城翼鋒史達寧近年進步神速，依家喺曼城同英格蘭國家隊都奠定核心人物地位，4年前佢離開利物浦轉投曼城嗰陣，唔少人都插佢背信棄義、未學行先學走，利物浦名宿加歷查就係其中之一，不過呢位現職講波佬日前就公開承認睇錯人：「我錯啦！我從來冇諗過史達寧會去到呢個層次，當時我覺得利物浦拎到差唔多5,000萬鎊轉會費係好好嘅交易，但當史達寧掛靴之後，好明顯係曼城執到寶。」

加歷查進一步指出：「史達寧依家係世界前6嘅球員，佢同基利安麥巴比應該要以繼承美斯、C朗拿度為目標，我早排話史達寧同沙迪奧文尼係當今最佳左路球員，我依家認為史達寧係仲勁過尼馬！」

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。