蒼井空英超激凸誘惑　又係撐屈仔打兵工廠

「蒼井老師」蒼井空，喺中國大陸有超高人氣，佢仲開埋微博同國內粉絲溝通，雖然佢已經嫁咗生埋仔，但唔少巴打都仲好掛住佢，喺網上不時重溫佢嘅作品。呢名一代日本AV女星，除咗不時入場睇日職外，原來仲係英超屈福特嘅擁躉，16年就親身入場支持愛隊，咁啱得咁翹同Mia Khalifa一樣，當日又係睇「大黃蜂」對阿仙奴！

3年前嘅8月尾，蒼井空着晒屈福特波衫去到愛隊主場，為呢支英超中游球隊打氣。好多巴打都鍾意睇靚女着波衫，蒼井空簡直就將波衫嘅性感味道着晒出嚟，成個Body玲瓏浮突超Sexy，佢仲笑得勁甜影咗幾張靚相擺上網益Fans添。不過當日屈福特就冇今輪英超咁叻仔，以1:3輸咗畀兵工廠，睇嚟都係Mia好腳頭啲喎。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。