【賽後解碼】皇馬0中龍　夏薩特後悔嗎？

皇家馬德里喺歐聯作客慘吞巴黎聖日耳門3蛋，對方已經冇出尼馬、基利安麥巴比同卡雲尼3大巨星箭頭，但係皇馬仍然被無情K.O，最樣衰嘅係全場竟然錄得0次中龍射門，係自Opta喺2003年開始收集紀錄之後，皇馬第1次喺歐聯出現「0中龍」數據。

睇番皇馬今場攻擊陣容，有夏薩特、賓施馬、加里夫巴利同占士洛迪古斯等猛將，相當豪華，但係創造機會卻係少之又少，被視為皇馬重建核心嘅夏薩特雖然好努力，但表現同佢喺英超嘅呼風喚雨落差極大，曾經被夏薩特視為夢想嘅轉會，可能會變成噩夢。

正如里奧費迪南所講，夏薩特加盟咗一支正係沉淪中嘅豪門，主力老化、新買球員未見擔大旗能力、想賣嘅球員賣唔出，就算夏薩特自己都已經唔後生，過多3個幾月就29歲，將自己嘅最後黃金歲月奉獻畀一支沉淪球隊，加上佢「偶像」施丹可以教多幾耐都係疑問，夏薩特會覺得後悔嗎？

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。