報派包之恩！C朗人肉搜索「麥記女神」

當今球壇天之驕子C朗拿度，年輕時都曾經窮過、捱過，佢最近接受皮爾斯摩根嘅深情訪問，製造出唔少網上話題，最新播出嘅訪問當中，C朗自爆喺士砵亭踢青年軍嗰陣，曾經接受麥當勞女職員「派包之恩」，C朗表示：「當年球場隔離有間麥當勞，我哋肚餓嗰陣就會去敲門，問下有冇免費漢堡包食，有個叫Edna同埋另外2個女仔經常會答應，但我已經搵唔番佢哋。」

飛黃騰達嘅C朗表示一直想報答佢哋恩情：「我問過葡萄牙嘅朋友，間麥當勞已經冇咗，如果呢個訪問可以幫我搵到佢哋，我會好開心，我想請佢哋去都靈或者里斯本食晚飯，答謝佢哋嘅幫助。」主持人皮爾斯摩根事後喺twitter宣布，留言話「我哋可能已經搵到Edna......」睇嚟C朗好快可以完成心願。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。