巴塞吞2蛋　格蘭納達喪爆8.5倍主W

周日(22日)凌晨西甲爆出大冷門，巴塞隆拿作客0:2不敵CF格蘭納達，今季踢5場聯賽已第2場輸波，衞冕之路愈來愈難行。

巴塞球王美斯剛傷愈冇耐，狀態不足，繼上場歐聯之後，今場西甲又做後備。最弊係巴塞全隊表現都好差，開波只係1分鐘就失守，CF格蘭納達前鋒佩亞達斯右路窄角度起腳，省中碧基，彈高笠過門將達史特根，拉蒙阿施斯近門補一頭入網。

巴塞下半場一開波，就換入美斯救亡，但都係無補於事，仲輸多1球12碼，淨吞兩蛋，今季5場聯賽只取得2勝1和2負。

巴塞今夏用1.2億歐元買入基沙文，以為可以同美斯、蘇亞雷斯組成無堅不摧「MSG」鋒線，但3人喺上場歐聯，以及今場西甲同場比賽，竟然1球都入唔到，真係跌到一地眼鏡碎。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。