佢寸得起　大巴黎同尼馬傾續約

唔止足球睇波，仲有24小時滾動賠率，即時體驗：https://bit.ly/2UmNL0L　

巴西王牌尼馬連續兩場法甲射入絕殺金球，協助巴黎聖日耳門贏波之後，不但成功引起傳媒關注，向佢柴台嘅主場球迷報以掌聲，就連PSG高層都向現實低頭，《Le10sport》報道，會方現希望同尼馬商討續約，留住呢位巨星。

今個夏天尼馬不斷扭計嗌離隊，演變成鬧劇，最終尼馬轉會唔成，重返巴塞隆拿計劃失敗，更被會方視為麻煩友，主場球迷唾棄，一見尼馬出場就掟雜物同柴台。

不過尼馬好有性格，佢對巴黎球迷完全無視，仲話「當自己作客比賽」，表現並無走樣，近兩場法甲，先倒掛擊垮斯特拉斯堡，再用一招神龍擺尾射爆里昂，震動球壇。

報道指，尼馬用實力壓倒一切，大巴黎不再視佢為麻煩友，主席納賽爾更約見尼馬面談，希望緩和緊張關係，並希望尼馬長留巴黎。

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。