【有片】3場1紅2烏3極刑 有請黑仔王

20190926
東網電視
更多新聞短片
(互聯網)
曾效力利物浦嘅烏拉圭中堅高亞迪斯,依家喺葡超老牌勁旅士砵亭搵食,不過呢個28歲中堅喺9月份堅黑仔,至今上陣3場全部輸晒,更恐怖係佢呢3場波夾埋攞到1張紅牌,擺咗2個烏龍,輸咗3個12碼,今個月嘅地獄黑仔王仲唔係佢?
士砵亭喺香港時間9月1號主場輸畀里奧艾維2比3,所失3球竟不約而同都係因為高亞迪斯累輸12碼。不過除第一球係罪有應得抵罰,第2球高亞迪斯同對手根本觸碰極輕微,第3球甚至係根本掂唔到,只係對手插水。難怪呢球之後,高亞迪斯瞓咗喺地下苦笑,仲拉高件衫遮住塊面,之後佢仲畀球證判罰第二面黃牌變紅牌趕出場添!
士砵亭下一場輪到鬥博維斯塔,不過高亞迪斯因為坐波監唔踢得,士砵亭呢場好運好多,至少以1比1打和對手拎到1分。然後輪到20號凌晨場歐霸盃,士砵亭對住燕豪芬,高亞迪斯今場冇再魯莽輸極刑,只係喺25分鐘門前擺咗個老烏,搞到班波最後輸2比3。
以為衰到盡咩?原來低處未算低!高亞迪斯喺周二凌晨士砵亭對法馬利卡奧完場前又擺一次烏龍,今次仲成功「絕殺」自己班波,搞到士砵亭輸1比2。黑成咁,或者大家睇片時都要小心,咪畀佢邪親!
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。